Aa wekh no warda _ Kashif habaab_poetry punjabi_آ ویکھ نی وردا اک تیرا پردہ کاشف حباب

آ ویکھ نی وٙردا
اک تیرا پردہ
اک میرا پردہ
توں لکھاں پٙتی
میں بختاں سٙتی
توں پوسٹراں ٹنگی
فیر وی ننگی
میں اِکو لیڑے کٙجی
ڈِھڈوں بُکھی نِیتوں رٙجی
نی توں سدراں کیوں اُسار دی
سانوں جیوندیاں جی مار دی
ویلا آپنے دوہاں دا اِکو ورگا
پر تیرا ہنڈدا ساڈا سردا
آ ویکھ نی آکے وردا
اک تیرا پردہ
اک میرا پردہ

کاشف حباب