مائیں نی مینوں بستہ لے دے
اَتے لے دے قلم دواتاں
میرا جی کردا
میں وی لِکھاں
اندر دیاں کوئی باتاں

مائیں نی مینوں بستہ لے دے
وچ پا دے گاچی، بان
اَتے اوس سکولے
پا دے جِتھوں
لبّھے فہم گیان

مائیں نی مینوں سڑکے لا دے
صِراطِ مُستَقیم دے
عِجز دا ٹُکّر
بوجھے پا دے
 نالے ہتھ کوئی تقویم دے

مائیں نی میری تختی اُتے
کُجھ اَکھر آپ اُلیکدے
میں تنزیل دا
ہویا سوالی
میرے نیتر تینوں اُڈیکدے

کاشف حباب